ஆளும்
உன் காதலில்
நானும்
உன் கைதி தான்
என் ஆயுளெல்லாம்

நினைவுகளுக்கே
வாசனை இருக்கிறது
அது மட்டும் போதும்
ஒருவரை வாழ வைக்க

தட்டி விட
விரும்ப வில்லை
ஒட்டிக் கொல்லும்
உன் நினைவுகளை

நினைவுகளும் சுமை
மனதுக்கு
தொல்லையாகும் போது

கூந்தலை அலங்கரிக்கிறாய்
பூக்களில் மனமோ
கோர்க்குது ஆசைகளை
மாலையாய் நாம் சூடிக்கொள்ள

குடையோடு
பயணித்தாலும்
நிழல் தருவது நீயே
என் மனதுக்கும்
நினைவாக தொடர்ந்து

காதல் தொடும் நொடி
வாழ்நாளின் வெறுமையை
நிரப்பும் நிரந்தர நினைவு ஆகிறது

உண்மையான காதல்
காலத்தையும் தூரத்தையும் மீறி
உயிரைப் பற்றிக் கொள்கிறது

என் அத்தனை
எதிர்பார்ப்புகளும்
நீயென்ற
ஒற்றை சொல்லுக்குள்ளேயே
அடங்கும்

மேகமாய்
நீ விலக
கண்களும்
மழையாகுதே