என் இதயத்திற்கு
என்னைவிட
நீ தான் மிகவும் முக்கியம்

இருவர் இடையிலான
தூரம் குறைய
நேரம் கூட ஈரமாக உருகுகிறது

திகட்டாத
தித்திப்பு
உன் இதழ்பட்ட
மிச்சம்

தொடு திரையிலோ
தொடும் தூரத்திலோ
என் எதிர்பார்ப்பு
நீ மட்டுமே

உன் பாதம்
பட்ட நீரோ
என் பாதம்
தொட சிதறி
சிணுங்குதே
வெள்ளி கொலுசாய்
வெட்கத்தில்

கண்ணோட்டத்தில் பேசாமல்
ஓர் உறவு உருவானது
அதுவே காதல்

ஓடிக் கொண்டே
இருக்கும் மனம்
ஒரு நொடி நின்றாலும்
மறு நொடி மனதில்
உன் முகம்

உன் வார்த்தைகளின்
வசீகரம் எனையும்
ஊமையாக்குகிறது
ரசிக்க தூண்டி

நிலையான மனம்
தான் இன்று
நிலைக் கொள்ளாமல்
அலை பாயிது
உன் நினைவு மோத

மௌனத்தில் நடக்கும்
காதல் தான் இசையில்லா
பாட்டைப் போல மயக்கும்