என்னைக்காண
காத்திருக்கும்
உன்
விழிகளுக்கு
விருந்தளிக்க
என்விழிகள்
பார்த்துக்கொள்கிறது
பலமுறை ஒத்திகை

மறைந்து கிடக்கும்
பாசம் கூட கண்களில்
ஒளிந்திருக்கும்
வார்த்தையில்லா மொழி

தேடலில் கிடைப்பது
தான் பொக்கிஷம்
என்றால்
என் பொக்கிஷம்
நீயே

நீ தொலைவில் இருப்பது
வலியை கொடுத்தாலும்
என் சுகமான நினைவுகள்
உன்னை சுற்றியே
சுழல்கிறது மகிழ்வுடன்

கேட்காமலேயே
தீர்த்து வைக்கிறாய்
ஏக்கங்களை
தந்தையின் மடியில்
தலைசாயும்
குழந்தையாய் நான்

தட்டிவிட்ட போதும்
ஒட்டிவரும் மணலாய்
மனதை துரத்தும்
உன் நினைவில்
தடுமாறி போகிறேன்
நானும்

அருகிலிருப்பது மட்டும் நெருக்கமல்ல
நினைவுகளில் இடம் பிடிப்பதே
காதலின் அடையாளம்

நம் கவலைகளை
மறைய வைத்து
நம்மை சிரிக்க வைக்க
உண்மையாக நேசிப்பவர்களால்
தான் முடியும்

பார்வையில் விழும் ஒளி
இதயத்தின் இருளை கரைக்கும்

சிரிப்பு ஒன்று இதயத்தில்
மழையாக பொழிகிறது