கலைந்து சென்ற மேக
கூட்டங்கள் வரைந்து
சென்ற ஓவியமே நிலா

தோன்றுவது எல்லாம்
சோதனை இல்லை
சில நேரம்
அது வழிகாட்டியும் இருக்கலாம்

மன நிம்மதியின்
மாளிகை தனிமை

மௌனம் கூட
சில நேரம் வாழ்க்கையின்
மிகச் சிறந்த பதில்

ஒருவரின் இயலாமையை
தனக்கு சாதகமாக
பயன்படுத்திக் கொள்பவனே
உலகின் மிகப் பெரிய
கோழை

வெற்றி என்பது
ஒவ்வொரு முறையும்
முதல் இடத்தை
பெறுவது என்று
பொருள் அல்ல
இன்று வெற்றி
பெற்றாய் என்றால்
உன் செயல்பாடு
சென்ற முறையை
விட இம்முறை
சிறப்பாக உள்ளது
என்று மட்டுமே பொருள்

உன் திறமைகளை
உலகம் அங்கீகரிக்கட்டும்
என்று காத்திருக்காதே
நீயே உன் உழைப்பால்
உன்னை செதுக்கி
உன் ஒளி வீசட்டும்

கண்களில் மிதந்த
அழகிய காட்சியெல்லாம்
சில நேரங்களில் தூசியாகி
கண்ணீரை தருகிறது

நீ வெற்றிபெற நல்ல
நண்பர்களை விட
சிறந்த எதிரிகளே தேவை

எல்லாம் இருந்தாலும்
இல்லை என்பார்கள்பலர்
எதுவும் இல்லை என்றாலும்
இருக்குஎன்பார்கள் சிலர்
(தன்னம்பிக்கை)