விரல்களில் சிக்கிய அதிர்வுகள்
இதயத்தோடு நெருங்கிய பதட்டங்கள்

சிலமுறை சண்டை
பலமுறை சமாதானம்
மீண்டும் புதிதாய்
காதலென்றே
நிறைவடைகிறது
நம் உரையாடல்
அடுத்து
எப்போதழைப்பாய்
என்ற ஏக்கத்துடனேயே

உன்னில் தொலைந்ததால்
நானும் நலமாக
நாமாய் என்னுள்

மழைத்துளியை விட
இனிமையானது
காதலியின் மெல்லிய தொடுதல்

வெறும் வரிகளும்
உன் வார்த்தைகளாகவே
எதிரொலிக்கிறது
காதலோடு கவிதையாய்

கொஞ்சம் வெளிச்சம்
கொஞ்சம் இரவு
கொஞ்சம் காற்று
கொஞ்சம் மழை
கொஞ்சம் பயணம்
கொஞ்சும் விரல்களில்
நிறைய காதல்

வார்த்தைகள் இல்லாத நேரத்திலும்
பாசம் உள்ளத்தின் ஓசையாக
வளர்ந்து நிற்கிறது

சொல்லாமலே
புரிந்து கொள்ளும் கண்கள்
வாழ்நாளெல்லாம்
பிடிக்கத்தான் செய்யும்

ஆழமாய் காதலித்தேன்
என்று தெரியும்
அதைவிட அதிகமாய்
நோகடித்தேன்
என்று புரியவில்லை

மொத்த உசுரயும்
எடுத்து விட்டு
கலைக்கிறாய்
மௌனத்தை
இந்த ஒத்த
உசுரு வாழ்வது
உனக்கென்று
உணராமல்