காதலின் மென்மை
வேட்கையின் சூட்டுடன்
சேர்ந்தால் உணர்வு
முழுமை பெறுகிறது

நேசித்துக் கொண்டேயிரு
நான் சுவாசித்துக்
கொண்டே இருக்கின்றேன்
உன் காதல் மொழிகளை

உன் பெயரை
மனதில் சொல்லும்
ஒவ்வொரு முறையும்
இதயம் சிரிக்கிறது

உன் நினைவு
அசைபோட
என் நிழலும்
துணை சேர
பாதமும் பயணிக்குது
நாம் நடந்த பாதையில்

இளைப்பாறும் நொடியிலும்
துணையாக
வந்து விடுகிறாய்
நான் மனம் சாய

சுவாசிக்க நேரமில்லாமல்
காதலில் மூழ்கும்போது தான்
காமம் புனிதமாக மாறுகிறது

பார்வை மோதிய நொடியில்
மனம் வழி தவறியது

அடைக்கப்பட்ட அறைக்குள்
அகப்பட்ட பறவையாய்
சிக்கி கொண்டாலும்
மனம் சிறகடித்தே
பறக்குது

விட்டு செல்கிறேன் என்னை
என் மனதை தேடி
வருவாயென்ற
மகிழ்வுடனேயே

தொடக்கத்திலிருந்தே
இதயத்துக்குள் குடியேறிய
ஒரே ஆள் அவள்தான்