மௌனமான தருணங்கள் கூட
இருவரின் இதயங்களை
இணைக்க வல்லவை

அன்போ ஆறுதலோ
வார்த்தையால் வசீகரிப்பதைவிட
ஆதரவாய் வருடும்
உன் உள்ளங்கையின்
அழுத்தமே போதும்
என் ஆயுளுக்கும்

தொந்தரவு செய்யாமல்
இருப்பதே அன்பின்
கடைசி நிலை

மனதோடு நீ
மழையோடு நான்
நனைகின்றது
நம் காதல்
காதலர் தின வாழ்த்துக்கள்

மௌனம் பேசும் போது
அவளது விழி
என் ஆசையைக் கிளப்புகிறது

அன்பே என்றாலே
அது நீயென்றாகி
போனது
என் பேரன்பே

விடியற்பொழுதில்
வெளிச்சம் பரவுவதைப்போல்
உன் வருகைப்பொழுதெல்லாம்
காதல் பரவி அழகாகிறது
என் உலகம்

கடினம் தான்
ஆனாலும் சுகம்
நீ வருவாய்
என்ற நினைப்பே
காத்திருப்பில்

சுவாசத்தில்
கலந்து கொண்ட நிமிடங்கள்
காதலை வார்த்தைகளால்
விவரிக்க முடியாத தருணங்கள்

உன்னெதிரே
நான் இல்லாத
வேளைகளிலும்
உன் விழிகளுக்குள்
வாழ்வதும்
நானென்றறிவேன்
என்னவனே